"Eyyil" kelimesinin Arapça'e çevirisi

Parsîce gâv-ı kûhî dirler. Türkçe sığın geyiği dirler. Ba‘zılar eydür, eti geç hazm olur. Galîz kan eyler. Ba‘zılar eydür eti galîzdir, evet mi‘deden tiz iner sidüğü yürüdür. Ba‘zılar eydür ki, yigrek budur ki etin hiç yimeyeler dir. Husûsa ki oğlağı ola galîzdir yaramaz hıltlar eyler. Eğer yimek isteseler gerekdir ki, muharrâ bişüreler sehilce yağla kavurma eyleyeler. Üzerine mâü’l-asel içeler ve incir şerbetin içeler. Eğer boynuzun göyündürseler iki miskâl kesîrâ ile içseler kan tükürmeğe ve bağırsak çıbanlarına ve eski ishâle ve kavuk ağrısına fâide ider. Ve şol avretler ki rahimlerinden yaşlar akar, kadîmden içseler fâide ide. Eğer boynuzun uvacuk doğrasalar bir taş çölmeğe koysalar ağzın balçıkla sıvasalar fırına bıraksalar, çölmek ağarınca dursa andan çıkarsalar yusalar ammâ kaya yur gibi kurutsalar yumuşak döğseler gözlerine ekseler yaşın kese ve çıbanlarına fâide ide.